DÍA CONTRA A VIOLENCIA DE XÉNERO

 Nestes días estivemos traballando as mensaxes de cancións con letras ofensivas para o xénero feminino. Non estando dacordo con estas letras e baixo o noso lema "PERREA CONTRA O MACHISMO" quixemos darlle a volta creando un versos máis divertidos e orixinais, e o máis importante, textos respetuosos e libres de discriminación.

E hoxe no Día contra a Violencia de Xénero, repartimos as nosas creacións polos establecementos da vila para que todos e todas podades gozar coas nosas cancións. Animádevos a cantalas!!! Moitas grazas a todos e todas pola vosa colaboración.

Continuamos no colexio a conmemoración deste día lendo un manifesto feito polo maiores e cantando tod@s xuntos a canción que leva por título "DEIXA EN PAZ", acto ao que asistiron as familias.

EDUCACIÓN PARA O CONSUMO RESPONSABLE

 Contamos no colexio coa visita dunha traballadora do Instituto Galego de Consumo. Asistiron a este obradoiro o alumnado dende terceiro ata sexto de primaria. 

Explicounos como debe ser o etiquetado dos artículos que podemos consumir e toda a normativa que deben cumprir.  Facendo fincapé na recente chegada do Nadal falounos tamén sobre o consumismo e a influencia da publicidade que nos leva a mercar cousas que realmente non precisamos.

Logo traballamos un pouco e fixemos un boneco de neve con materiais de refugallo.

Aprendemos moitas cousas que poñeremos en practica á hora de mercar calquer tipo de produto.

CULTURA POR ALIMENTOS

 Nestes días contribuimos coa Corrente Cultural que é unha iniciativa de Afundación. Trata dunha campaña solidaria de Cultura por Alimentos, é dicir, nós acudimos á Casa da Cultura para ver unha exposición e a cambio doamos alimentos non perecedoiros de primeira necesidade. Agradecer a colaboración das familias na aportación destes alimentos. Moitas grazas.

Un dos obxectivos desta iniciativa é a de sensibilizar aos máis pequenos e recalcar a solidariedade, a empatía e o coidado dos demais. Sentímonos moi orgullosos de poder axudar ás familias que máis precisan estes alimentos nesta situación tan crítica na que vivimos.

OBRADOIRO DE IGUALDADE

 O alumnado de 5 anos, primeiro e segundo de primaria participaron nun obradoiro pola igualdade de xénero organizado polo Concello.

Foi unha obra teatral interactiva na que se simulou a participación nun concurso de televisión, Galicia Fem, e cuxo obxectivo era axudar á consursante a gañar dito consurso superando diversas probas como preguntas, cancións, xogos, ... relacionadas coa coeducación e a igualdade de xénero.

PRESTIGE

 

Con motivo do vinte aniversario do afundimento do Prestige, quixemos darlle a coñecer ao alumnado o que foi e o que significou aquela traxedia para o noso país.

No colexio tivemos o pracer de recibir como convidados a dous veciños moi especiais, Isaac, patrón maior de Portosín e José Blanco, patrón do barco "Portosín". Os dous viviron aquel suceso en directo, indo limpar "chapapote", igual cá marea de voluntarios chegados de toda a xeografía española e doutros paises.

Con moito gusto e amabilidade respostaron todas as preguntas que lle fixeron as nenas e nenos de 3º a 6º de primaria.

Canto aprenderon! Moitas grazas aos dous.

 

Na seguinte presentación poderedes ollar tanto as imaxes da visita como a fantástica reportaxe, dirixida pola nosa teacher Marina, na que o alumnado pon voz ao acontecedido naquelas datas.

 

 

 

 

 

MAGOSTO

 O 11 de Novembro festexamos o Magosto no Ceip Portosín. Nunha mañá expléndida comezamos facendo uns roteiros para abrir o apetito e gozar da paisaxe costeira da nosa vila.

As nenas e nenos de Infantil foron ata o Loreto, onde fixeron unha camiñata adaptada á súa idade, durante a cal puideron obervar castiñeiros, ourizos, castañas, cogumelos, carballos, xestas, ... e experimentar con eles.

Os de 1º e 2º de Primaria camiñaron ata Miñortos, alí visitaron o Ecoglamping Amaraxe, un exemplo de sostibilidade que puidemos gozar grazas á amabilidade de Chefa e de Lía. Merendamos no Camping de Punta Batuda para logo ir xogar coas castañas na horta de Rosa, histórica e querida mestra do noso centro. 

O alumando de 3º a 6º de Primaria andiveron arreo ata Punta Cabalo, facendo un paréntese para visitar o Náutico de Portosín, e voltaron ao colexio facendo unha ruta circular.

Sobre a unha o alumnado, familias e persoal docente o non docente gozamos das castañas que nos asou Serafín. Que boas estaban!!!