#24 0. “A NOSA BIBLIOTECA, UN ESPAZO ABERTO AO ARTE”

 
Este ano o lema principal das bibliotecas escolares de Galicia (UNHA BIBLIOTECA ESCOLAR EN VIÑETAS) céntrase na banda deseñada, pretendendo poñer o foco en todas as posibilidades que a banda deseñada ofrece tanto no goce lector como na aprendizaxe curricular. Durante esta semana dende a biblioteca do noso centro, como forma de conxugar esta temática co tema central do noso PDI e co gaio da celebración do día das Bibliotecas Escolares (24 de Outubro) levamos a cabo as seguintes tres propostas baixo o lema #24 O. “A NOSA BIBLIOTECA, UN ESPAZO ABERTO AO ARTE”

-          Instalación artística cos tres títulos favoritos de cada un dos cursos.

-          Exposición en formato cómic das recomendacións de banda deseñada de cada aula. 

-          Taller de carautas internivel dos personaxes de conto máis terroríficos.

 Nas seguintes presentacións podedes ver un resumo destas tres propostas. 

 

MOCHILAS VIAXEIRAS

As nosas mochilas inician a súa viaxe este curso cargadiñas de lecturas, pero tamén de posibilidades para descubrir o lado máis creativo dos noso alumnado!

 

Os Monifates

 

Hoxe celebramos o Día das Bibliotecas Escolares acompañados/as polos Monifates, unha parella de artistas ambulantes composta por un músico e un artesán, responsable da elaboración tanto de instrumentos coma dos monicreques que os acompañan.

Música, baile, artesanía e tradición a esgalla! Son os ingredientes que nos fixeron pasar unha sesión incriblemente divertida. Grazas Xosé e Alberto por acompañarnos neste día.