Seguimos este ano sumándonos a unha das iniciativas propostas por ADEGA (Asociación para a Defensa Ecolóxica de Galiza). O venres 14 tivemos unha xornada de limpeza simultánea das praias da contorna coa clara intención de fomentar o coidado e a protección do noso patrimonio marítimo e ao mesmo tempo denunciar a falta de compromiso social que aínda hoxe existe nesa faceta. Contamos tamén coa axuda do Concello de Porto do Son.
Dentro do noso proxecto de centro, continuamos apostando polo coidado do medio ambiente e polo fomento da súa sostibilidade. Por iso puxémonos as luvas cun forte sentido de propósito e nos encamiñamos cara as praias de Coira e da Gafa.
Atopamos moitas cabichas, pequenos plásticos, partículas de porexpán, algún anaco de embarcacións, rodas, corcho branco, cordas, botes, latas de conservas e bebidas, toalliñas, cristais, ladrillos, ... e incluso un pinta beizos, unha lima das uñas e unhas zapatillas. Reunimos moito lixo voluminoso que quedou pendente de recoller o Concello, aproximadamente chegamos a acumular 80 kilos de lixo.
A nosa contribución de onte é un graniño de area, por iso non debemos illar este feito e continuar coa nosa labor día a día nos nosos fogares, na escola, ...nas accións da vida cotiá.
Pasámolo xenial e voltamos para as aula coa sensación de facer algo moi bo para o coidado deste mar pois cada anaco de lixo que se retira para ser reciclado significa que hai un artículo menos que poida facer dano as aves e animais mariños.
Sen dúbida foi unha experiencia moi enriquecedora que nos encantaría repetir!!!
Con esta iniciativa contribuímos fundamentalmente ao desenvolvemento do seguinte obxectivo da Axenda 2030