O 23 de febreiro celebramos o Día de Rosalía de Castro, unha das figuras máis emblemáticas do rexurdimento da nosa lingua e literatura e símbolo da cultura galega en xeral.
Outro ano máis, no noso centro educativo realizamos un acto conmemorativo para renderlle homenaxe. Nesta xornada, o alumnado presentou diferentes actividades relacionadas coa súa vida e obra. Expúxose a súa biografía, a súa traxectoria como escritora e a importancia que tivo na defensa da lingua e identidade galegas.
Ademais, algúns alumnos e alumnas recitaron poemas da autora, enchendo o centro de emoción e orgullo pola nosa terra.
Ningún comentario:
Publicar un comentario