En Meigasín, no día de Samaín, o alumnado do seu colexio tivo que esforzarse arreo para axudar ás meigas que coidaban da xente da súa vila, pois as forzas do mal roubáranlles varios obxectos máxicos imprescindibles para manter o seu benestar e equilibrio. Para subsanar a situación, todas as nenas e nenos organizáronse por equipos para ir superando unha a unha as diferentes probas que as bruxas, a Santa Compaña e compañía lles foron poñendo. Grazas ao seu esforzo e bo facer conseguiron romper o maleficio volvendo todo á normalidade. Dámoslle as grazas ás nosas coordinadoras de biblioteca e de dinamización de lingua galega por toda a organización e ao resto de profesorado polo seu esforzo. Pasámolo en grande!
Ademais, entre as nenas e nenos de infantil e primaria elaboramos o conto "Unha noite de Samaín en Portosín", que nos quedou moi chulo.
