25 N

Non todos os camiños son chans, pero iso non impide que sigamos avanzando cara o noso obxectivo. Dende o centro, pretendemos poñer en valor a nosa lingua, pero aquela que non fai dano, senón que alenta. A violencia non é só física, polo que como conmemoración do 25N decidimos retirar, de xeito simbólico, aquelas "pedras" en forma de expresións tradicionais que infravaloran ás mulleres. Démoslle a volta e tornámolas en mensaxes positivos dos que cada aula fixo a súa lectura en voz alta. Rematamos o acto cantando " Que non mo neguen" do grupo Tanxugueiras.

Día da Música

22 de novembro, Día da Música. Como sabedes, o PDI deste curso está adicado ao camiño de Santiago e a posta en valor da nosa fala e tradicións. Amais, tendo en conta que o día das Letras Galegas está adicado este ano ás cantareiras, non se nos ocorreu mellor forma de celebrar esta xornada, que comezar a aprender sobre os costumes destas mulleres e os instrumentos que utilizaban. Fixémolo da man de Tareixa, mestra de profesión e cantareira de corazón. Mil grazas por acudir de novo á nosa chamada e mostarnos esta valiosa maneira de facer música!

 

Roteiros: Primeira etapa do camiño

"Pasiño a pasiño faise o camiño" Enmarcado tanto no PDI anual do centro coma no Proxecto vida activa e deportiva, iniciamos hoxe as primeiras etapas da nosa peregrinaxe cos seguintes percorridos: Infantil Ponte de Traba - Xei; 1º ciclo de Primaria: San Martiño - Xei e 2º e 3º ciclo: Testal - Xei. Unha xornada na que se misturou aprendizaxe, convivencia, deporte e moitos bos momentos!

MAGOSTO 2024

 Ao mal tempo, boa cara! E se a isto lle sumamos castañas, xogos e boa compaña, o resultado é a celebración do Magosto no CEIP Portosín

 

SAMAÍN

 Chegou un dos días máis esperados pola nosa cativada, a celebración do Samaín. Pasámolo en grande percorrendo o túnel do terror que conducía á casa da bruxa. Houbo sustos e tremores a moreas, diversión, risas a esgalla e tamén unha merecidísima recompensa!