CONCERTO DIDÁCTICO

 Hoxe o alumnado de 2º a 5º de primaria asistiu no Coliseo Noela de Noia a un concerto didáctico fabuloso. Alumnado e profesorado do Conservatorio "Felipe Paz Carvajal" situado nesta vila deleitáronnos cunha presentación das familias de instrumentos musicais moi sinxela e divertida. Estámoslles moi agradecidos pola invitación.

 

Letras Galegas 2024

 Despois de moitos nervios, esforzo e preparación, por fin chegou o gran día da estrea! Os alumnos de sexto deleitáronnos coa adaptación da obra de Paula Carballeira titulada "Boas noites", unha actuación sublime e un espectáculo en toda regra. Continuamos coa celebración deste día das Letras Galegas cunha homenaxe musical a Luisa Villalta, poemas (acompañada ao violín de Ángel), interpretación da cantiga Camariñas  e actuacións musicais puxeron o broche a unha xornada intensa pero marabillosa. Noraboa e grazas a todos/as que o fixeron posible.

 

FUNDACIÓN ENKI

 Hoxe tivemos o pracer de contar no centro coa fundación ENKI de ocio inclusivo que se adican a axudar, a través do deporte e do ocio, a persoas con diversidade a sentirse parte da sociedade. Os representantes desta fundación contáronnos a súa situación persoal destacando as barreiras que atoparon polo camiño e como conseguiron sortealas, ademais de transmitirnos moitas mensaxes importantes.

Explicáronnos as diferentes adaptacións para practicar os deportes como triatlon, ciclismo, baloncesto ou atletismo. Trouxeron para mostrarnos unha bicicleta adaptaba que puidemos observar e manipular. 

Agradecer ao Concello por contar con nós e darnos a oportunidade de ser partícipes desta grandiosa actividade. Foi unha experiencia moi reflexiva e inspiradora. Moitas grazas pola visita, estivo espectacular!

Froitómetro Abril- Maio

 E chegamos a unha nova celebración da entrega de premios do froitómetro! Nesta ocasión os correspondentes ao mes de abril e maio. Seguimos por tanto incentivando o consumo de froita coa conseguinte repercusión positiva na saúde do noso alumnado. Coma sempre agradecer as familias por facelo posible e noraboa campións e campioas!

O Maio

 

Coa chegada de maio celebramos os "Maios", e como non podía ser doutra forma, no cole de Portosín fixemos un barco coma bos fillos e fillas do mar que somos.

Grazas ao alumnado, profesorado, ás familias e a Manolo e Yolanda pola colaboración.

Grazas tamén ao Concello por ese terceiro premio otorgado no concurso dos Maios que organizaron.